Monday, March 9, 2026
Friday, May 10, 2024
ဒိဌိအမှန် ရုပ်နှင့်နာမ်
ဒိဌိအမှန် ရုပ်နှင့်နာမ်
*******************
မျက်စိတံခါး ဖွင့်ထားခိုက်မှာ
အဆင်း ရုပ်မျိုး ဝင်တိုးတိုက်လာ
မြင်သိစိတ်များ ဖြစ်ပွားပျက်ရာ
ငါမြင်စွဲ ယူလွဲ ဒိဌိပါ
နားပေါက်တံခါး ဖွင့်ထားခိုက်မှာ
အသံ ရုပ်မျိုး ဝင်တိုးတိုက်လာ
ကြားသိစိတ်များ ဖြစ်ပွားပျက်ရာ
ငါကြားစွဲ ယူလွဲ ဒိဌိပါ
နှာခေါင်းတံခါး ဖွင့်ထားခိုက်မှာ
အနံ့ ရုပ်မျိုး ဝင်တိုးတိုက်လာ
နံသိစိတ်များ ဖြစ်ပွားပျက်ရာ
ငါနံစွဲ ယူလွဲ ဒိဌိပါ
လျှာပေါက် တံခါး ဖွင့်ထားခိုက်မှာ
ရသာ ရုပ်မျိုး ဝင်တိုးတိုက်လာ
စားသိ စိတ်များ ဖြစ်ပွားပျက်ရာ
ငါစားစွဲ ယူလွဲ ဒိဌိပါ
ကိုယ်ပေါက် တံခါး ဖွင့်ထားခိုက်မှာ
အတွေ့ ရုပ်မျိုး ဝင်တိုးတိုက်လာ
ထိသိ စိတ်များ ဖြစ်ပွား ပျက်ရာ
ငါထိစွဲ ယူလွဲ ဒိဌိပါ
မနောတံခါး ဖွင့်ထားခိုက်မှာ
အကြံရုပ်မျိုး ဝင်တိုးတိုက်လာ
ကြံသိစိတ်များ ဖြစ်ပွားပျက်ရာ
ငါကြံစွဲ ယူလွဲ ဒိဌိပါ
ဖောက်ပြန်ပြောင်းလဲ တာကရုပ်
ကြံသည့်ညွှတ်တတ်တာက နာမ်
ရုပ်နာမ်သိဆဲ ငါမစွဲ
ကွာမြဲ ဒိဌိမှန်
မြင်တိုင်းမှာ သတိယှဉ်စမ်းပါ
မြင်မမြဲ သိဆဲ ဒိဌိကွာ
ကြားတိုင်းမှာ သတိယှဉ်စမ်းပါ
ကြားမမြဲ သိဆဲ ဒိဌိကွာ
နံတိုင်းမှာ သတိယှဉ်စမ်းပါ
နံမမြဲ သိဆဲ ဒိဌိကွာ
စားတိုင်မှာ သတိယှဉ်စမ်းပါ
စားမမြဲ သိဆဲ ဒိဌိကွာ
ထိတိုင်းမှာ သတိယှဉ်စမ်းပါ
ထိမမြဲ သိဆဲ ဒိဌိကွာ
ကြံတိုင်းမှာ သတိယှဉ်စမ်းပါ
ကြံမမြဲ သိဆဲ ဒိဌိကွာ
ဖောက်ပြန်ပြောင်းလဲ တာကရုပ်
ကြံသည့်ညွှတ်တတ်တာက နာမ်
ရုပ်နာမ်သိဆဲ ငါမစွဲ
ကွာမြဲ ဒိဌိမှန်
ကြံစည်စဉ်းစား အာရုံများ
လိုက်စား မပြုရာ
အာရုံ လိုက်စား ဒုက္ခပွား
ရှည်လျား သံသရာ
အာရုံ မလိုက် သတိစိုက်
ဉာဏ်၌ ဆင်ခြင် နိဗ္ဗာန်ဝင်ရမှာ
ဗီဒီယို မူပိုင်ရှင်အား Credit ပေးပါသည်
တရားသံဝေဂရစေရန် ကူးယူ ဖော်ပြအပ်ပါသည်
Thursday, May 9, 2024
တိုက်ကြီးမြို့နယ်မှသည် ကျောက်အိုင်တောရဆီ
တိုက်ကြီးမြို့နယ်မှသည် ကျောက်အိုင်တောရဆီ
ဆရာတော် အရှင်ဇဋိလနှင့် ကမ္မဌာန်းနည်းပြဆရာကြီး ဦးကျော်လှိုင် ဆရာများ သီတင်းသုံး တောရဆောက်တည်နေကြတဲ့ ရန်ကုန်တိုင်းဒေသကြီး ၊တိုက်ကြီးမြို့နယ်နှင့် မနီးမဝေးမှာတည်ရှိနေတဲ့ ကျောက်အိုင်တောရစခန်းဆီသို့ 2023 နှင့် 2024 ခုနှစ်မှာ ကျွန်တော်ရောက်ခဲ့ပါတယ်။
တိုက်ကြီးမြို့နယ်ကနေ ၄.၇ မိုင်ခန့်သာ ဝေးတဲ့ တောရစခန်းမှာ တိတ်ဆိတ်ငြိမ်သက်စွာ တရားဘာဝနာကျင့်ကြံအားထုတ်ဖို့ နေရာကောင်းလည်း ဖြစ်နေပါတယ်။သစ်ပင်စိုက်ခင်းများ၊ သစ်တော အုပ်လေးတွေရှိလို့ အေးချမ်းသာယာနေတဲ့ နေရာလည်း ဖြစ်ပါတယ်။တောရ ကျောင်းဝင်းထဲမှာ သစ်ပင်တွေ ထပ်မံစိုက်ပျိုးလို့ စိမ်းလန်းအေးချမ်းတဲ့ နေရာဖြစ်အောင်လည်း စီမံနေကြပါတယ်။
တရားဘာဝနာ အားထုတ်ပွားများ ကျင့်ကြံပြီး ဘဝကို အေးအေးချမ်းချမ်းနဲ့ နိဗ္ဗာန်ကို အချိန်တိုတိုနဲ့ ရလွယ်ရောက်လွယ်ဖြစ်အောင် နေရာကောင်းလည်းဖြစ် ဆရာကောင်းလည်း ရှိလို့ အမြန်ဆုံး သာ ကြွလှမ်းခဲ့ကြဖို့ ဖိတ်ခေါ်လိုက်ပါတယ်။
ဆရာတော်၏ တပည့်ဒါယကာ၊ ဒါယကာမများ
Subscribe to:
Comments (Atom)